கல்லூரி படத்திற்காக இணையும் கவுதம் மேனனும் கர்ணன் நாயகியும்

கடந்த இரண்டு வருடங்களாகவே இயக்குனர் கவுதம் மேனன் கிட்டத்தட்ட முழு நேர நடிகராகவே மாறி வருகிறார். தமிழில் கண்ணும் கண்ணும் கொள்ளையடித்தால், மலையாளத்தில் வெளியான ட்ரான்ஸ் ஆகிய படங்களில் மிக முக்கியமான கதாபாத்திரங்களில் நடித்து ஒரு நடிகராகவும் ரசிகர்களை கவர்ந்தார் கவுதம் மேனன். இந்தநிலையில் தற்போது மலையாளத்தில் உருவாகும் லவ்புல்லி யுவர்ஸ் வேதா என்கிற படத்தில் கதையின் நாயகனாக நடிக்கிறார் கவுதம் மேனன்.

கர்ணன், ஜெய்பீம் படங்களில் நடித்த ரஜிஷா விஜயன் இந்தப்படத்தில் கதாநாயகியாக நடிக்க, மலையாள இளம் நடிகர் ஸ்ரீநாத் பாஷி மற்றும் விஸ்வாசம் படத்தில் அஜித்தின் மகளாக நடித்த அனிகா சுரேந்திரன் ஆகியோர் முக்கிய வேடங்களில் நடிக்கின்றனர். தொண்ணூறுகளின் காலகட்டத்தில் கல்லூரி பின்னணியில் நிகழும் விதமாக கதை உருவாக்கப்பட்டுள்ளது. அறிமுக இயக்குனர் பிரகேஷ் சுகுமாரன் இந்தப்படத்தை இயக்குகிறார்.