புது மனைவியுடன் பாலி தீவிற்கு சுற்றுலா சென்ற நடிகர் ஆஷிஷ் வித்யார்த்தி

தமிழ், தெலுங்கு, ஹிந்தி, ஆங்கிலம், மராத்தி உள்பட 11 மொழிகளில் சுமார் 300க்கும் மேற்பட்ட படங்களில் நடித்தவர் ஆசிஷ் வித்யார்த்தி. வில்லனாக மட்டுமின்றி குணசித்ர வேடங்களிலும் இவர் நடித்திருக்கிறார். தமிழில் தில், பகவதி, பாபா, ஏழுமலை, கில்லி உள்ளிட்ட பல படங்களில் நடித்துள்ளார். இந்த நிலையில் ஏற்கனவே ராஜோஜி பருவா என்பவரை திருமணம் செய்திருந்த ஆசிஷ் வித்யார்த்தி, கடந்த 2022 ஆம் ஆண்டு அவரை விவாகரத்து செய்தார். அவர்களுக்கு ஒரு மகன் இருக்கிறார்.

தற்போது 60 வயதாகும் ஆசிஷ் வித்யார்த்தி கடந்த மே மாதத்தில் தொழிலதிபர் ரூபாலி என்ற 33 வயது பெண்ணை இரண்டாவது திருமணம் செய்து கொண்டார். இது குறித்த செய்திகள் வெளியானபோது பலதரப்பட்ட விமர்சனங்கள் எழுந்தன. ஆன போதிலும் இந்த விமர்சனங்களுக்கு எந்தவித பதிலும் அளிக்காத ஆசிஷ் வித்யார்த்தி, திருமணம் முடித்த கையோடு சிங்கப்பூருக்கு சுற்றுலா சென்று விட்டார். அதையடுத்து தற்போது இந்தோனேசியாவில் உள்ள பாலி தீவிற்க்கு தனது புது மனைவியுடன் சுற்றுலா சென்று இருக்கிறார். அது குறித்த புகைப்படங்களை தனது இன்ஸ்டாகிராம் பக்கத்தில் அவர் வெளியிட்டுள்ளார்.