இந்தியாவின் ஷகிரா : தமன்னாவை அசரவைத்த ரசிகர்

நெல்சன் இயக்கத்தில் ரஜினி நடித்துள்ள ஜெயிலர் படத்தில் தமன்னா நடனமாடி உள்ள காவாலா என்ற பாடல் கடந்த சில தினங்களுக்கு முன்பு வெளியிடப்பட்டு பெரிய அளவில் ரசிகர்கள் மத்தியில் வரவேற்பை பெற்று வருகிறது. தமன்னாவின் சிறப்பான நடனத்திற்கு பல திரை பிரபலங்களும் பாராட்டுகளை தெரிவித்துள்ள நிலையில், ரசிகர்களும் அவரை உற்சாகப்படுத்தும் கமெண்டுகளை கொடுத்து வருகிறார்கள். குறிப்பாக, உலகக்கோப்பை கால்பந்து போட்டியின் உலகப் புகழ்பெற்ற பாடகி ஷகிரா, கடந்த 13 ஆண்டுகளுக்கு முன்பு வக்கா வக்கா என்ற பாடலுக்கு நடனமாடியிருந்தார். தற்போது அந்தப் பாடலுடன் தமன்னாவின் காவாலா நடனத்தை இணைத்து ரசிகர் ஒருவர் வீடியோ வெளியிட்டுள்ளார். இந்த வீடியோவை பார்த்து அசந்து போன தமன்னா, இந்த இணைப்பு மிகச் சரியாக உள்ளது என்று மகிழ்ச்சியை வெளிப்படுத்தியிருப்பவர், அந்த வீடியோவை தனது டுவிட்டர் பக்கத்திலும் பகிர்ந்துள்ளார். இதை பார்த்துவிட்டு, இது உண்மைதான். தமன்னாதான் இந்தியாவின் ஷகிரா என்று ரசிகர்கள் கமெண்ட்களை பதிவு செய்து வருகிறார்கள்.