மாதவன் - ஜோதிகாவின் சைத்தான் ஹிந்தி படத்தின் டீசர் வெளியானது

ஹிந்தியில் அஜய் தேவ்கன் முக்கிய வேடத்தில் நடித்துள்ள படம் சைத்தான். இந்த படத்தில் மாதவன், ஜோதிகா ஆகிய இருவரும் முக்கிய வேடங்களில் நடித்துள்ளார்கள். கடந்த 2001ம் ஆண்டு டும் டும் டும் என்ற படத்தில் இணைந்து நடித்திருந்த மாதவனும் , ஜோதிகாவும் நீண்ட இடைவெளிக்கு பிறகு இந்த படத்தில் நடித்துள்ளார்கள். அதேபோல் 1997ம் ஆண்டு ஹிந்தி சினிமாவில் அறிமுகமான ஜோதிகா, அதையடுத்து வாலி படத்தில் தமிழில் அறிமுகமானவர் நீண்ட இடைவெளிக்கு பிறகு இப்போதுதான் சைத்தான் படம் மூலம் ஹிந்தியில் ரீ என்ட்ரி கொடுத்துள்ளார். இப்படத்தின் படப்பிடிப்பு முடிவடைந்து இறுதி கட்டப்பணிகள் நடைபெற்று வரும் நிலையில், இன்று டீசர் வெளியாகி இருக்கிறது. அதை பார்க்கும்போது, இந்த படம் ஒரு திரில்லர் கதையில் உருவாகி இருப்பது தெரிகிறது. அதோடு இந்த சைத்தான் படம் மார்ச் எட்டாம் தேதி திரைக்கு வர இருப்பதாகவும் அறிவிக்கப்பட்டுள்ளது. விகாஸ் பால் என்பவர் இப்படத்தை இயக்கி இருக்கிறார்.