சிவகார்த்திகேயன் - சிபி சக்ரவர்த்தி இணையும் படத்தின் டைட்டில் பாஸ்?

ராஜ்குமார் பெரியசாமி இயக்கி உள்ள அமரன் படத்தில் நடித்து முடித்திருக்கும் சிவகார்த்திகேயன், அதையடுத்து ஏ.ஆர்.முருகதாஸ் இயக்கும் தனது 23 வது படத்தில் நடித்து வருகிறார். இந்த படத்தை முடித்ததும் ஏற்கனவே தன்னை வைத்து டான் படத்தை இயக்கிய சிபி சக்கரவர்த்தி இயக்கும் படத்தில் நடிக்கப் போகிறார் சிவகார்த்திகேயன். இப்படத்தில் அவருடன் ரஷ்மிகா மந்தனா, எஸ்.ஜே.சூர்யா ஆகியோர் நடிக்க உள்ளார்கள்.

இந்நிலையில் இந்த படத்திற்கு பாஸ் என்று டைட்டில் வைக்க திட்டமிட்டு இருப்பதாக ஒரு தகவல் வெளியாகி இருக்கிறது. ஏற்கனவே ரஜினி நடித்த வேலைக்காரன், மாவீரன் போன்ற டைட்டில்களில் நடித்த சிவகார்த்திகேயன், இப்போது ஷங்கர் இயக்கத்தில் ரஜினி நடித்த சிவாஜி படத்தில் தி பாஸ் என்று போடப்பட்ட கேப்ஷனில் இடம் பெற்ற பாஸ் என்ற வார்த்தையை இந்த படத்திற்கு தலைப்பாக வைப்பதற்கு திட்டமிட்டு வருவதாக தகவல்கள் வெளியாகியுள்ளன.