பிறந்தநாளில் வெளியான சூர்யா 44வது படத்தின் முன்னோட்ட வீடியோ

ஜிகர்தண்டா டபுள் எக்ஸ் படத்தை லாரன்ஸ், எஸ்.ஜே.சூர்யா நடிப்பில் இயக்கிய கார்த்திக் சுப்பராஜ், அதையடுத்து சூர்யா நடிக்கும் 44-வது படத்தை இயக்கி வருகிறார். இந்த படத்தின் முதல் கட்ட படப்பிடிப்பு அந்தமானில் தொடங்கப்பட்ட நிலையில் தற்போது சென்னையில் நடந்து வருகிறது. சூர்யாவின் 2டி என்டர்டைன்மென்ட் நிறுவனம் தயாரிக்க, சந்தோஷ் நாராயணன் இசை அமைக்கிறார்.

இந்நிலையில் சூர்யாவின் பிறந்தநாளான இன்று(ஜூலை 23) அவரது ரசிகர்களுக்கு ட்ரீட் கொடுக்கும் வகையில் சூர்யா 44 படத்தின் முன்னோட்ட வீடியோ ஒன்றை வெளியிட்டுள்ளார்கள். அதில் கேஸ்டர் புடைசூழ வாயில் சிகரெட்டை புகைத்தபடி வேகமாக வரும் சூர்யா, துப்பாக்கியை எடுத்து சுடுவது போல் ஒரு காட்சி இடம் பெற்றுள்ளது. ஆக்ஷன் கதையில் உருவாகி வரும் இந்த படத்தில் சூர்யா கேங்ஸ்டர் வேடத்தில் நடிப்பது உறுதியாகியுள்ளது. விரைவில் இப்படத்தின் டைட்டில் மற்றும் டீசர் வெளியாகும் என்றும் இந்த வீடியோவில் தெரிவிக்கப்பட்டுள்ளது.