விஜய் 69ல் இணைந்த மமிதா பைஜூ

மலையாளத்தில் வெளியான ‛பிரேமலு' படம் மூலம் தமிழ் ரசிகர்கள் மத்தியிலும் பிரபலமானவர் நடிகை மமிதா பைஜூ. தமிழில் ‛ரெபல்' படத்தில் நடித்தார். தற்போது விஷ்ணு விஷால் உடன் ஒரு படத்தில் நடிக்க உள்ளார். இதுதவிர பல படங்களில் அவரை நடிக்க வைக்க பேசி வருகின்றனர். இந்நிலையில் ஜாக்பாட்டாக இப்போது விஜய் பட வாய்ப்பு அவருக்கு கிடைத்துள்ளது.

வினோத் இயக்கத்தில் விஜய் நடிக்கும் 69வது படத்தின் படப்பிடிப்பு இந்தவாரம் துவங்குகிறது. இதில் பாபி தியோல், பூஜா ஹெக்டே ஆகியோர் நடிப்பதாக அறிவிக்கப்பட்ட நிலையில் மூன்றாவதாக நடிகை மமிதா பைஜூ நடிப்பதை அறிவித்துள்ளனர். அனிருத் இசையமைக்கும் இந்த படம் அரசியல் கலந்த கமர்சியல் படமாக உருவாகிறது. பெங்களூரை சேர்ந்த கேவிஎன் நிறுவனம் தயாரிக்கிறது.