பவன் கல்யாணுக்கு நன்றி தெரிவித்த யோகி பாபு

ஆந்திர மாநில துணை முதல்வரும் நடிகருமான பவன் கல்யாண் சமீபத்திய பேட்டி ஒன்றில் தமிழ் சினிமா பற்றியும் பேசியுள்ளார். அப்பேட்டியில் யோகி பாபு நாயகனாக நடித்த 'மண்டேலா' படம் பற்றியும், அதில் அவருடைய நடிப்பைப் பற்றியும் குறிப்பிட்டுள்ளார்.

பவன் கல்யாண் பேசிய அந்த வீடியோவைப் பகிர்ந்து, “ஆந்திர மாநில துணை முதல்வர் பவன் கல்யாண் சார், உங்களது மதிப்புமிக்க வார்த்தைகளுக்கும், என்னை ஊக்கப்படுத்தியதற்கும் நன்றி,” எனக் குறிப்பிட்டுள்ளார்.

மடோன் அஷ்வின் இயக்கிய 'மண்டேலா' படம் 68வது தேசிய விருதுகளில், சிறந்த அறிமுக இயக்குனர், சிறந்த திரைக்கதை ஆகியவற்றிற்கான விருதுகளை வென்றது குறிப்பிடத்தக்கது.

அப்பேட்டியில் மேலும், “லியோ, படத்தைப் பார்த்தேன். லோகேஷ் கனகராஜின் பிலிம் மேக்கிங் ஸ்டைல் எனக்குப் பிடித்தது,” என்றும் பேசியிருந்தார் பவன் கல்யாண்.