‛தக் லைப்' படத்தின் ரிலீஸ் தேதி தகவல் இதோ!

மணிரத்னம், கமல்ஹாசன் கூட்டணியில் நீண்ட வருடங்களுக்கு பிறகு உருவாகி வரும் திரைப்படம் 'தக் லைப்'. இதில் சிலம்பரசன், அசோக் செல்வன், திரிஷா, ஜோஜூ ஜார்ஜ், ஐஸ்வர்ய லக்ஷ்மி உள்ளிட்ட பல முன்னணி நட்சத்திரங்கள் இணைந்து முக்கிய கதாபாத்திரங்களில் நடித்துள்ளனர்.

ரெட் ஜெயண்ட் மூவிஸ், ராஜ்கமல் நிறுவனம், மெட்ராஸ் டாக்கீஸ் ஆகிய நிறுவனங்கள் இணைந்து இப்படத்தை தயாரிக்கின்றனர். இதற்கு ஏ. ஆர். ரஹ்மான் இசையமைக்கின்றார்.

இதன் படப்பிடிப்பு சென்னை, ராஜஸ்தான், டில்லி, பாண்டிச்சேரி, கோவா போன்ற பகுதிகளில் 120 நாட்களுக்கு மேல் படப்பிடிப்பு நடத்தி சமீபத்தில் நிறைவு பெற்றது. ஏற்கனவே இதன் போஸ்ட் புரொடக்ஷன் பணிகள் துவங்கியது. தற்போது இந்த படத்தை 2025ம் ஆண்டு ஏப்ரல் 10ம் தேதி தமிழ் புத்தாண்டு வாரத்தை குறிவைத்து ரிலீஸ் செய்ய திட்டமிட்டு வருவதாக தெரிவிக்கின்றனர்.