ஆன்லைனில் லீக்கான ஷங்கரின் கேம் சேஞ்ஜர்!

ராம்சரண், கியாரா அத்வானி, எஸ்.ஜே .சூர்யா, அஞ்சலி, சமுத்திரகனி நடிப்பில் இன்று திரைக்கு வந்துள்ள படம் 'கேம் சேஞ்ஜர்'. ஷங்கர் இயக்கி உள்ள இந்த படத்திற்கு தமன் இசை அமைத்திருக்கிறார். ஆர்.ஆர்.ஆர் படத்திற்கு பிறகு ராம்சரண் நடிப்பில் மூன்று ஆண்டுகளுக்குப் பிறகு வெளியாகும் படம் என்பதால் இந்த படத்திற்கு எதிர்பார்ப்பு அதிகமாக இருந்தது.

இந்த நிலையில் இன்று திரைக்கு வந்துள்ள 'கேம் சேஞ்ஜர்' படத்திற்கு கலவையான விமர்சனங்கள் கிடைத்து வருகிறது. அதோடு இந்த படம் திரைக்கு வந்த சில மணி நேரங்களிலேயே திருட்டு இணையதளங்களில் ஹெச்டி பிரிண்டில் இந்த படம் கசிந்து வருகிறது. இதனால் பலரும் இலவசமாகவே டவுன்லோட் செய்து வருகிறார்கள். இது கேம் சேஞ்ஜர் படக்குழுவுக்கு கடும் அதிர்ச்சியை கொடுத்துள்ளது.