பொங்கலுக்கு அஜித்தின் விடாமுயற்சி ரிலீஸ் தேதி வெளியாகிறது

மகிழ்திருமேனி இயக்கத்தில் அஜித்குமார், திரிஷா, அர்ஜுன், ஆரவ், ரெஜினா உள்ளிட்ட பலரது நடிப்பில் உருவாகி உள்ள படம் விடாமுயற்சி. இந்த படம் பொங்கலுக்கு வெளியாகும் என்று அறிவிக்கப்பட்டு பின் வாங்கியதால் அஜித் ரசிகர்கள் அதிர்ச்சிக்கு ஆளானார்கள். இந்த நிலையில் அவர்களை ஆறுதல் படுத்தும் விதமாக ஏப்ரல் பத்தாம் தேதி ஆதிக் ரவிச்சந்திரன் இயக்கத்தில் அஜித் நடித்திருக்கும் குட் பேட் அக்லி படம் வெளியாகும் என்று அறிவித்தார்கள். அதையடுத்து தற்போது விடாமுயற்சி படத்தின் டிரைலர் பொங்கல் தினத்தில் வெளியாகவுள்ள நிலையில், அந்த டிரைலரில் விடாமுயற்சி படத்தின் ரிலீஸ் தேதியும் அறிவிக்கப்பட உள்ளது. மேலும், விடாமுயற்சி படத்திற்கு தணிக்கைக்குழு யுஏ சான்றிதழ் அளித்துள்ள நிலையில், 2 மணி நேரம் 30 நிமிடங்கள், 34 வினாடி ரன்னிங் டைம் இருப்பதாக அறிவித்துள்ளார்கள். அனேகமாக படம் ஜன., 23 அல்லது ஜன., 30ல் வெளியாகும் என எதிர்பார்க்கப்படுகிறது.