‛ஃபயர்' படத்திற்காக தங்கச்சங்கிலி பரிசு!

பாலாஜி முருகதாஸ் நெகிழ்ச்சி பிக்பாஸ் மற்றும் சின்னத்திரை பிரபலங்கள் பலர் நடிப்பில் அண்மையில் வெளியாகி ஓடிக்கொண்டிருக்கும் திரைப்படம் ‛ஃபயர்'. இதில், பாலாஜி முருகதாஸ், ரச்சிதா மகாலெட்சுமி, சாக்ஷி அகர்வால், காயத்ரி ஷான் உள்ளிட்ட பலர் நடித்துள்ளனர். விழிப்புணர்வு படம் என்கிற பெயரில் அதிகமான ஆபாச குப்பைகளுடன் வெளியாகியுள்ள இந்த திரைப்படத்திற்கு இளம் ரசிகர்களின் ஆதரவு வெகுவாக கிடைத்து வருவதால் திரையரங்குகளில் ஸ்கிரீன்களும் அதிகரித்துள்ளது.

இந்நிலையில், இந்த படத்தில் பாலாஜி முருகதாஸின் நடிப்பை பாராட்டி அவரது ரசிகர்கள் சிலர் அவருக்கு தங்கச்சங்கிலியை பரிசாக அளித்திருக்கிறார்களாம். இதுகுறித்து பாலாஜி முருகதாஸ் தனது இன்ஸ்டாகிராமில், 'என் நடிப்பிற்கு கிடைத்த அங்கீகாரம்' என நெகிழ்ச்சியுடன் பதிவிட்டுள்ளார். இதை பாசிட்டிவாகவும் நெகட்டிவாகவும் பலர் விமர்சனம் செய்து வருகின்றனர்.