ஓடிடியில் வரவேற்பைப் பெறுமா 'விடாமுயற்சி'
ADDED : 245 days ago
மகிழ் திருமேனி இயக்கத்தில், அனிருத் இசையமைப்பில், அஜித், த்ரிஷா, அர்ஜுன், ரெஜினா மற்றும் பலர் நடிப்பில் இம்மாதத் துவக்கத்தில் வெளிவந்த படம் 'விடாமுயற்சி'. சுமார் 150 கோடிக்கும் அதிகமாக வசூலித்தும் வியாபார ரீதியாக வெற்றிப் படமாக அமையாமல் போய்விட்டது. அஜித் ரசிகர்களையே கூட இப்படம் ஈர்க்கவில்லை என்பது அதிர்ச்சியாகவே அமைந்தது.
இருந்தாலும் ஓடிடியில் இப்படம் வரவேற்பைப் பெறும் என்று எதிர்பார்க்கப்படுகிறது. மார்ச் 3ம் தேதி இப்படம் ஓடிடி தளத்தில் தமிழ், ஹிந்தி, தெலுங்கு, கன்னடம், மலையாளம் ஆகிய மொழிகளில் வெளியாகிறது. இப்படத்தின் 'கன்டென்ட்' ஓடிடிக்குப் பொருத்தமானதாக இருக்கும் என்ற கருத்து நிலவுகிறது.
தியேட்டர்களில் வந்து பார்க்காத பலர் ஓடிடி தளத்தில் படத்தை விரும்பிப் பார்க்கலாம். படம் ஓடிடியில் வெளியான பின் அதன் டிரெண்டிங்கில் தனி சாதனை படைக்கவும் வாய்ப்புள்ளது.