பெண் குழந்தைக்கு தந்தையான ரெடின் கிங்ஸ்லி

தமிழ் சினிமாவில் காமெடி நடிகராக பல படங்களில் பிஸியாக நடித்து வருகிறார் ரெடின் கிங்ஸ்லி. சீரியல் நடிகை சங்கீதாவை இவர் திருமணம் செய்து கொண்டார். ஹைதராபாத்தில் உள்ள ஒரு கோவிலில் எளிமையான முறையில் அவர்கள் திருமணம் நடைபெற்றது.

இதையடுத்து கர்ப்பமான சங்கீதா தான் நடித்து வந்த சீரியலில் இருந்து வெளியேறினார். சமீபத்தில் நிறைமாத கர்ப்பிணியாக இருக்கும் அவருக்கு பிரமாண்டமாக வளைகாப்பு நிகழ்ச்சி நடத்தினார் ரெடின் கிங்ஸ்லி. இந்த நிகழ்ச்சியில் சினிமா, சின்னத்திரை நடிகர் நடிகைகள் ஏராளமானோர் கலந்துகொண்டு அவர்களை வாழ்த்தினர்.

தற்போது இந்த தம்பதிக்கு பெண் குழந்தை பிறந்துள்ளது. அனைவரது வாழ்த்துகளுடன் எங்களுக்கு பெண் குழந்தை பிறந்துள்ளது என்று சங்கீதா இன்ஸ்டாவில் தெரிவித்துள்ளார்.