உள்ளூர் செய்திகள்

/ சினிமா / செய்திகள் / ஷாருக்கான் மகளுக்கு அம்மாவாக நடிக்கும் தீபிகா படுகோன்

ஷாருக்கான் மகளுக்கு அம்மாவாக நடிக்கும் தீபிகா படுகோன்

பாலிவுட்டில் ஷாருக்கான், தீபிகா படுகோன் ஜோடி தான். இப்போது வரை சக்சஸ்புல் ஜோடியாக ரசிகர்களிடம் வலம் வருகின்றனர். இவர்கள் இருவரும் இணைந்து நடித்த ஓம் சாந்தி ஓம், சென்னை எக்ஸ்பிரஸ், பதான், ஜவான் உள்ளிட்ட படங்கள் ரசிகர்களிடம் மிகப்பெரிய வரவேற்பு பெற்றவை. இப்படி பதான், ஜவான் படத்தை தொடர்ந்து இவர்கள் தற்போது சித்தார்த் ஆனந்த் டைரக்ஷனில் உருவாகி வரும் கிங் என்கிற திரைப்படத்தில் இணைந்து நடித்து வருகின்றனர். இந்த படத்தில் ஹைலைட்டான அம்சமாக ஷாருக்கானின் மகள் சுஹானா கான் முக்கிய கதாபாத்திரம் ஒன்றில் நடிக்கிறார்.

இந்த படத்தில் சுஹானா கானுக்கு அம்மாவாக தீபிகா படுகோன் நடிக்கிறார் என்கிற தகவல் தற்போது வெளியாகி உள்ளது. படத்தில் கதாநாயகி அந்தஸ்து பாதித்துவிடாமல் அதேசமயம் இந்த அம்மாவின் கதாபாத்திரத்திற்கு மிகுந்த முக்கியத்துவம் கொடுத்து அவரை சுற்றி கதை சுழலுமாறு பின்னப்பட்டுள்ளதாம். ராணுவ வீரரான ஷாருக்கான் இளம் பெண்ணான சுஹானா கானுடன் இணைந்து அவரது குடும்பத்தில் ஏற்பட்ட ஒரு மிகப்பெரிய துயர நிகழ்வுக்கு பழி தீர்க்கும் விதமாக சவால்களை எதிர்கொள்கிறார் என்பது போன்று கதை உருவாக்கப்பட்டுள்ளதாம்.


தினமலர் சேனல்களுக்கு SUBSCRIBE செய்யுங்கள் !