தனுஷ் குரலில் லீக் ஆன குபேரா பட பாடல்!

சேகர் கம்முலா இயக்கத்தில் நடிகர் தனுஷின் 51வது படமாக 'குபேரா' உருவாகியுள்ளது. இதில் நாகார்ஜூனா, ராஷ்மிகா மந்தனா, ஜிம் சார்ப், பாக்யராஜ், சுனைனா ஆகியோர் முக்கிய கதாபாத்திரங்களில் நடித்துள்ளனர். தேவிஸ்ரீ பிரசாந்த் இசையமைத்துள்ளார்.

ஏற்கனவே இதன் படப்பிடிப்பு முழுவதும் முடிவடைந்தது ஒரு பாடல் காட்சியின் படப்பிடிப்பு மட்டும் மீதமிருந்தது. நேற்று இந்த பாடல் காட்சிக்கான படப்பிடிப்பை துவங்கினர். இந்த பாடல் காட்சி படப்பிடிப்பு தளத்தில் இருந்து இணையத்தில் கசிந்தது வைரலாகி வருகிறது. இந்த பாடலை தனுஷ் தெலுங்கு மொழியில் பாடியுள்ளார். முதல் முறையாக தேவி ஸ்ரீ பிரசாந்த் இசையில் தனுஷ் பாடியுள்ளார். வருகின்ற மே 1ம் தேதி அன்று முக்கிய அப்டேட்டை படக்குழு வெளியிட உள்ளார்களாம். இவ்வருடம் ஜூன் 20ம் தேதி இப்படம் தமிழ்,தெலுங்கு, ஹிந்தி, மலையாளம் மற்றும் கன்னடம் ஆகிய மொழிகளில் வெளியாகிறது.