சூர்யா 46 இசையமைப்பாளர் ஜிவி பிரகாஷ்குமார்
ADDED : 140 days ago
வெங்கி அட்லூரி இயக்கத்தில் சூர்யா நடிக்கும் புதிய படத்தின் பூஜை இன்று ஹைதராபாத்தில் நடைபெற்றுள்ளது. ஆர்ஜே பாலாஜி இயக்கத்தில் சூர்யாவின் 45வது படத்திற்குப் பிறகு சூர்யாவின் 46வது படமாக இப்படம் உருவாகிறது. இப்படத்திற்கு ஜிவி பிரகாஷ்குமார் இசையமைக்கிறார். 'சூரரைப் போற்று' படத்திற்குப் பிறகு சூர்யா நடிக்கும் படத்திற்கு இசையமைக்கிறார் ஜிவி.
“லக்கி பாஸ்கர், வாத்தி' படங்களுக்குப் பிறகு எனது வெற்றிகரமான கூட்டணி இயக்குனர். சூர்யா 46 படத்திலும் ஆட்டம் போடுவோம் வெங்கி,” என இது குறித்து எக்ஸ் தளத்தில் குறிப்பிட்டுள்ளார் ஜிவி பிரகாஷ்.
'வாத்தி, லக்கி பாஸ்கர்' இரண்டு படங்களிலும் ஜிவியின் பின்னணி இசையும், பாடல்களும் பேசப்பட்டது. சூர்யா நடித்த 'சூரரைப் போற்று' படமும் இசைக்காகவும் பேசப்பட்ட ஒரு படம். அப்படத்திற்காக சிறந்த பின்னணி இசைக்கான தேசிய விருதைப் பெற்றார் ஜிவி பிரகாஷ்.