பூமிகா ஆசை நிறைவேறுமா?

ரோஜாக்கூட்டம் உட்பட பல தமிழ் படங்களில் ஹீரோயினாக நடித்தவர் பூமிகா. ஒரு கட்டத்தில் திருமணமாகி மும்பையில் செட்டில் ஆனார். பல ஆண்டுகளுக்குபின் ஜெயம்ரவி நடித்த பிரதர் படத்தில் அவருக்கு அக்கா வேடத்தில் நடித்தார். தனது ரீ என்ட்ரி ரீச் ஆக வேண்டும். அந்த படம் வெற்றி அடைய வேண்டும். தமிழில் மீண்டும் ஒரு ரவுண்டு வர வேண்டும் என கணக்கு போட்டார். ஆனால், ராஜேஷ் எம் இயக்கிய அந்த படம் ஹிட்டாகவில்லை. இப்போது ஸ்கூல் என்ற படத்தில் டீச்சராக நடித்துள்ளார். இன்று அந்த படம் வெளியாகி உள்ளது. ஒரு பெரிய ஸ்கூலை அச்சுறுத்தும் 2 பேய்களை கட்டுப்படுத்தும், மாணவர்களை நல்வழிப்படுத்தும் டீச்சராக அதில் பூமிகா வருகிறார். அவருடன் சக ஆசிரியராக யோகிபாபு நடித்துள்ளார். நல்ல கேரக்டர் என்பதால் ஸ்கூல் படம் வெற்றி அடையும் என அவர் நம்பிக்கையுடன் இருக்கிறாராம். அவர் ஆசை நிறைவேறுமா என்பது அடுத்த சில நாட்களில் தெரிந்துவிடும்.