ஜில்லுனு ஒரு காதலை ஞாபகப்படுத்தும் 'சூர்யா 46' பட போஸ்டர்

சூர்யாவின் 50வது பிறந்த நாளையொட்டி நேற்று ஆர்.ஜே.பாலாஜி இயக்கத்தில் அவர் நடித்துள்ள கருப்பு படத்தின் டீசர் வெளியானது. அதேப்போல் தெலுங்கு இயக்குனர் வெங்கி அட்லூரி இயக்கத்தில் சூர்யா நடித்த வரும் 46வது படத்தின் பர்ஸ்ட் லுக் போஸ்டரும் நேற்று வெளியிடப்பட்டுள்ளது. இந்த போஸ்டரில் சூர்யாவின் தோற்றம் ஏற்கனவே சூர்யா நடித்த ஜில்லுனு ஒரு காதல் படத்தின் சாயலில் இடம் பெற்றுள்ளது. அதோடு அந்த போஸ்டரில் மிக இளமையாக காணப்படுகிறார் சூர்யா. அந்த வகையில் கருப்பு படம் ஒரு ஜானர் என்றால் சூர்யா 46வது படம் இன்னொரு ஜானரில் உருவாகியிருப்பதை அந்த போஸ்டர் வெளிப்படுத்துகிறது. இந்த போஸ்டர் சூர்யா ரசிகர்கள் மத்தியில் வரவேற்பு பெற்று வருகிறது. சூர்யாவுக்கு ஜோடியாக மமிதா பைஜூ நடித்து வரும் இந்த படத்தை சித்தாரா எண்டர்டெயின்மென்ட் நிறுவனம் தயாரிக்க, ஜி.வி.பிரகாஷ் குமார் இசையமைக்கிறார்.