ஆகஸ்ட் 22-ல் ஓடிடியில் வெளியாகும் தலைவன் தலைவி

பாண்டிராஜ் இயக்கத்தில் விஜய் சேதுபதி, நித்யா மேனன், யோகிபாபு இணைந்து நடித்துள்ள படம் தலைவன் தலைவி. குடும்பப்பாங்கான கதையில் உருவாகியுள்ள இந்த படம் தமிழ்நாட்டில் மட்டும் 50 கோடியும், உலகளவில் 75 கோடி வசூலித்திருப்பதாக கூறப்படுகிறது. சத்யஜோதி பிலிம்ஸ் தயாரித்த இந்த படத்திற்கு சந்தோஷ் நாராயணன் இசையமைத்துள்ளார். இந்நிலையில் தலைவன் தலைவி படம் வருகிற ஆகஸ்ட் 22ம் தேதி ஓடிடியில் வெளியாகிறது. இது குறித்த தகவலை அமேசான் பிரைம் வீடியோ அதிகாரப்பூர்வமாக அறிவித்துள்ளது. தமிழில் தலைவன் தலைவி என்ற பெயரில் வெளியான இந்த படம் தெலுங்கில் சார் மேடம் என்ற பெயரில் வெளியானது என்பது குறிப்பிடத்தக்கது.