அருண் பிரசாத், அர்ச்சனா திருமண நிச்சயதார்த்தம் நடந்தது

விஜய் டிவியில் ஒளிபரப்பான ராஜா ராணி 2 சீரியலில் வில்லியாக நடித்தவர் அர்ச்சனா. அதே போல் பாரதி கண்ணம்மா சீரியலில் ஹீரோவாக நடித்தவர் அருண் பிரசாத். இவர்கள் இருவருமே பிக்பாஸ் நிகழ்ச்சியில் பங்கேற்று பிரபலமானவர்கள். குறிப்பாக ,அர்ச்சனா பிக்பாஸ் நிகழ்ச்சி 7-வது சீசனில் வைல்டு கார்டு போட்டியாளராக நுழைந்து டைட்டில் வின்னராக அறிவிக்கப்பட்டார். அதேபோல் அருண் பிரசாத் பிக்பாஸ் 8 நிகழ்ச்சியில் போட்டியாளராக பங்கேற்றார். இந்த 8வது சீசனின்போது பிக்பாஸ் வீட்டுக்குள் அருண் பிரசாத்தின் உறவினராக சென்றார் அர்ச்சனா. அப்போது அவர்கள் தங்களை காதலை அறிவித்தார்கள். இந்நிலையில் தற்போது தங்களது நிச்சயதார்த்தம் நடந்து முடிந்திருப்பதாக இணைய பக்கத்தில் ஒரு தகவல் வெளியிட்டுள்ளார் அருண் பிரசாத். என்றாலும் திருமணம் எப்போது நடைபெறும் என்பதை அவர் குறிப்பிடவில்லை.