2026 ஜூன் 12ல் 'ஜெயிலர் 2' ரிலீஸ் : ரஜினிகாந்த் தகவல்

நெல்சன் இயக்கத்தில் அனிருத் இசையமைப்பில் ரஜினி நடிக்கும் 'ஜெயிலர் 2' படத்தின் படப்பிடிப்பு கடந்த மார்ச் மாதம் ஆரம்பமாகி அவ்வப்போது இடைவெளிவிட்டு நடந்து வருகிறது. சென்னை, கேரளா, மைசூர் உள்ளிட்ட இடங்களில் படப்பிடிப்பு நடந்துள்ளது. முழு படப்பிடிப்பும் இந்த வருடம் டிசம்பர் மாதம் முடிவடைய உள்ளது.

அடுத்த வருடம் தமிழ் வருடப் பிறப்புக்கு அல்லது கோடை விடுமுறையில் படம் வெளியாகும் என்று எதிர்பார்க்கப்பட்டது. ஆனால், இன்று விமான நிலையத்தில் பத்திரிகையாளர்களை சந்தித்த ரஜினிகாந்த் படம் 2026 ஜூன் மாதம் 12ம் தேதி வெளியாகும் என்று தெரிவித்தார்.

படத்தின் இறுதிக்கட்டப் பணிகளுக்காக ஐந்து மாதங்கள் வரை எடுத்துக் கொள்ள உள்ளார்கள் எனத் தெரிகிறது. இப்படத்தில் எஸ்ஜே சூர்யா, சூராஜ் வெஞ்சாரமூடு, ரம்யா கிருஷ்ணன், யோகி பாபு, மிர்ணா மற்றும் பலர் நடிக்கிறார்கள்.