மறைந்த தாயார் ஸ்ரீதேவி அணிந்த நீல நிற சேலையில் கவனம் பெற்ற ஜான்வி கபூர்!

தற்போது தெலுங்கில் ராம் சரணுக்கு ஜோடியாக 'பெத்தி' என்ற படத்தில் நடித்து வருகிறார் ஜான்விகபூர். ஹிந்தியில் வருண் தவானுக்கு ஜோடியாக அவர் நடித்துள்ள 'சன்னி சன்ஸ்கரிக்கி துள்சி குமாரி' என்ற படம் அக்டோபர் 2ம் தேதி வெளியாகிறது. இந்த நிலையில் தனது தாயாரான மறைந்த நடிகை ஸ்ரீதேவி அணிந்த ஒரு புடவையில் தானும் தோன்றி கவனம் பெற்றுள்ளார் ஜான்வி கபூர்.

அதாவது கடந்த 2017ம் ஆண்டு கிரிக்கெட் வீரர் விராட் கோலி-அனுஷ்கா சர்மாவின் திருமண வரவேற்பு நிகழ்ச்சியில் ஒரு நீல நிற சேலையை அணிந்து பங்கேற்றார் ஸ்ரீ தேவி. இந்த நிலையில் தற்போது 2026 ஆஸ்கர் விருது குழுவினர் கடந்த திங்கள் அன்று மும்பையில் சிறப்பு பிரிமியர் நடத்திய போது, தனது தாயார் அணிந்த அதே நீல நிற சேலையுடன் கழுத்தில் தங்க நகைகள் அணிந்தபடி பங்கேற்றுள்ளார் ஜான்வி கபூர்.