ப்ரீ புக்கிங்கில் முந்தும் 'டியூட்'

'லவ் டுடே, டிராகன்' படங்களை அடுத்து கீர்த்தீஸ்வரன் இயக்கத்தின் பிரதீப் ரங்கநாதன் நடித்துள்ள படம் 'டியூட்'. அவருக்கு ஜோடியாக மமிதா பைஜூ நடித்துள்ள இந்த படத்தில் சரத்குமார் முக்கிய வேடத்தில் நடித்திருக்கிறார். சாய் அபயங்கர் இசையமைத்துள்ள இந்த படம் நாளை திரைக்கு வருகிறது.

இந்நிலையில் இப்படத்தின் ப்ரீ புக்கிங் அக்.,14ல் துவங்கிய நிலையில் தற்போது வரை இந்த படம் 1 கோடி ரூபாய்க்கு மேல் வசூலித்திருப்பதாக தகவல்கள் வெளியாகி உள்ளது.

அதேபோல் மாரி செல்வராஜ் இயக்கத்தில் துருவ் விக்ரம் நடித்துள்ள படம் 'பைசன்'. அவருடன் அனுபமா பரமேஸ்வரன், ரஜிஷா விஜயன், பசுபதி உள்ளிட்ட பலர் முக்கிய வேடங்களில் நடத்துள்ள இந்த படமும் அக்டோபர் 17ம் தேதியான நாளை திரைக்கு வருகிறது. இந்த படத்தின் ப்ரீ புக்கிங் உலக அளவில் நடைபெற்று வந்த நிலையில் இதுவரை இந்த படம் 25 லட்சம் வசூலித்திருப்பதாக தகவல் வெளியாகி இருக்கிறது.