15 கிலோ எடை குறைத்த கிரேஸ் ஆண்டனி!
ADDED : 3 minutes ago
ராம் இயக்கத்தில் கடந்த ஜூலை நான்காம் தேதி திரைக்கு வந்த படம் 'பறந்து போ'. மிர்ச்சி சிவா நாயகனாக நடித்த இந்த படத்தின் மூலம் மலையாள நடிகை கிரேஸ் ஆண்டனி தமிழில் அறிமுகமானார். அதன் பிறகு தனது காதலரை திருமணம் செய்து கொண்ட கிரேஸ் ஆண்டனி அது குறித்த புகைப்படங்களையும் இணையப் பக்கத்தில் வெளியிட்டிருந்தார்.
இந்த நிலையில் தற்போது அவர் தீவிர டயட்ஸ், உடற்பயிற்சி மூலம் 15 கிலோ வரை தனது உடல் எடையை குறைத்திருப்பதாக இணையப்பக்கத்தில் ஒரு பதிவு போட்டு உள்ளார். அதில், '80 கிலோ உடல் எடை இருந்த நான் கடந்த 8 மாதங்களில் 15 கிலோ எடை குறைத்து 65 கிலோ ஆகியிருக்கிறேன்' என்று தெரிவித்து அது குறித்து புகைப்படங்களையும் வெளியிட்டிருக்கிறார்.