ரஜினியின் 'ஜெயிலர்-2' படத்தில் இணைந்த ஹிந்தி நடிகை அபேக்ஷா போர்வல்!

ஜெயிலர் படத்தை அடுத்து மீண்டும் நெல்சன் இயக்கும் ஜெயிலர்-2 படத்தில் நடித்து வருகிறார் ரஜினிகாந்த். இந்த படத்தில் ஏற்கனவே முதல் பாகத்தில் நடித்த ரம்யா கிருஷ்ணன், மிர்னா மேனன், யோகி பாபு மற்றும் கெஸ்ட் ரோலில் நடித்த மோகன்லால், சிவராஜ்குமார் ஆகியோர் மீண்டும் நடிக்கும் நிலையில், புதிதாக மிதுன் சக்ரவர்த்தி, எஸ்.ஜே.சூர்யா ஆகியோர் இணைந்திருக்கிறார்கள்.

இந்நிலையில் தற்போது ஹிந்தியில் 'பதாய் டோ' உள்பட சில படங்கள் மற்றும் 'ஹனிமூன் போட்டோகிராபர், உண்டேகி' என சில வெப் சீரியல்களில் நடித்துள்ள அபேக்ஷா போர்வலும் இந்த படத்தில் இணைந்திருக்கிறார். தற்போது ஜெயிலர் - 2 படத்தின் படப்பிடிப்பு மும்பையில் நடைபெற்று வரும் நிலையில் அபேக்ஷா போர்வலும் இணைந்து நடித்து வருகிறார்.