ரஜினி படத்தில் ஷோபனா: 35 ஆண்டுகளுக்குபின் கூட்டணி

நெல்சன் இயக்கத்தில் ரஜினிகாந்த் நடிக்கும் 'ஜெயிலர் 2' படப்பிடிப்பு விரைவில் நிறைவடைய உள்ளது. அடுத்த மாதம் சிபி சக்ரவர்த்தி இயக்கும் படத்தில் நடிக்கப்போகிறார் ரஜினிகாந்த். அந்த படத்துக்கான நடிகர், நடிகையர் தேர்வு நடந்து வருகிறது. லேட்டஸ்ட் தகவல் படி, அதில் ஷோபனா நடிக்கப்போகிறாராம். ரஜினியுடன் 'தளபதி, சிவா' படங்களில் நடித்தவர் ஷோபனா. 'கோச்சடையான்' படத்தில் கூட நடித்தார். ஆனால், அது வழக்கமான சினிமா அல்ல என்பதால், தளபதி படத்துக்குபின் சேருகிறார்.
கூட்டி கழித்து பார்த்தால் 35 ஆண்டுகளுக்குபின் இந்த கூட்டணி ஜோடி சேருகிறது.
ஜெயிலர் 2 படத்தில் ரஜினி ஜோடியாக ரம்யா கிருஷ்ணன் இருக்கிறார். வேட்டையன் படத்தில் மஞ்சுவாரியர் நடித்தார். கூலி படத்தில் ரஜினிக்கு ஜோடி இல்லை. அண்ணாத்த, தர்பார் படங்களில் நயன்தாராவும், பேட்ட படத்தில் சிம்ரன், திரிஷாவும், காலாவின் ஈஸ்வரி ராவ், கபாலியின் ராதிகா ஆப்தே நடித்ததும் குறிப்பிடத்தக்கது.