சென்னை சாலிகிராமத்தில் உள்ள வீட்டை இடித்து அப்பார்ட்மென்ட் கட்டும் விஜய்!
தற்போது நடிகர் விஜய் சென்னையில் நீலாங்கரையில் உள்ள வீட்டில் வசித்து வருகிறார். பனையூரில் அவரது கட்சி அலுவலகம் செயல்பட்டு வருகிறது. மேலும், விஜய்யின் தந்தையான இயக்குனர் எஸ்.ஏ.சந்திரசேகரன் முன்னணி இயக்குனராக இருந்தபோது
சென்னை சாலிகிராமத்தில் உள்ள எஸ்பிஐ காலனியில் ஒரு வீடு கட்டியிருந்தார்.
விஜய் தனது சிறுவயதில் இருந்து அந்த வீட்டில்தான் வசித்து வந்தார். சினிமாவில் பிரபலமான பிறகும் நீண்டகாலம் அந்த வீட்டில் வசித்தவர், அதன் பிறகு நீலாங்கரையில் வீடுகட்டி அங்கு குடியேறி விட்டார். அதன்பிறகு நடிகரும் இசையமைப்பாளருமான விஜய் ஆண்டனி அந்த வீட்டில் வாடகைக்கு குடியேறினார். அதே வீட்டில் இயக்குனர் எஸ்.ஏ.சந்திரசேகரனும் ஒரு அலுவலகம் வைத்திருந்தார்.
இந்த நிலையில், தற்போது சாலிகிராமத்தில் உள்ள அந்த பழைய வீட்டை இடித்து அப்பார்ட்மென்ட் கட்டப் போகிறாராம் விஜய். இதன் காரணமாக தற்போது அந்த வீட்டை காலி செய்து வேறு வீட்டிற்கு சென்று விட்டார் விஜய் ஆண்டனி. அதே போல் எஸ்.ஏ.சியும் தனது அலுவலகத்தை அங்கிருந்து மாற்றி விட்டார். மேலும், சென்னை சாலிகிராமத்தில் விஜய் இன்னும் பல இடங்களில் வீடு அலுவலகங்கள் கட்டி வாடகைக்கு விட்டுள்ளார்கள் என்பது குறிப்பிடத்தக்கது.