விஜய் முதல்வரானதும் கடகடவென உயர்ந்த இன்ஸ்டா பாலோயர்கள்

தமிழ் சினிமாவின் முன்னணி நடிகரான விஜய், இன்ஸ்டா ரீல்ஸ் மூலம் தான் ஆட்சியைப் பிடித்தார் என எதிர்க்கட்சிகள் விமர்சித்து வருகின்றன. அதை நிரூபிக்கும் வகையில் விஜய் முதல்வரான பின் தமிழக முதல்வரின் அதிகாரப்பூர்வ இன்ஸ்டாகிராம் பக்கத்திலன் பாலோயர்கள் கடகடவென உயர்ந்து தற்போது 3 மில்லியன் பாலோயர்களைக் கடந்துள்ளது.

விஜய் முதல்வராகப் பொறுப்பேற்றதற்கு முன்பு ஸ்டாலின் முதல்வராக இருந்த போது அந்த பக்கத்தை 4 லட்சத்திற்கு அதிகமான பாலோயர்கள் மட்டுமே பின் தொடர்ந்துள்ளனர்.

விஜய் முதல்வராகப் பதவியேற்ற 48 மணி நேரத்தில் அது 2 மில்லியன் பாலோயர்களைப் பெற்றுள்ளது. தற்போது 3 மில்லியன் பாலோயர்களைக் கடந்துள்ளது. இதன் மூலம் இந்தியாவிலேயே இன்ஸ்டா தளத்தில் அதிக பாலோயர்களைக் கொண்ட இரண்டாவது முதல்வர் என்ற இடத்தைப் பிடித்துள்ளார்.

முதலிடத்தில் உத்தரப்பிரதேச மாநில முதல்வர் 3.9 மில்லியன் பாலோயர்களுடன் இருக்கிறார். அதையும் விஜய்யின் இன்ஸ்டா பக்கம் சீக்கிரமே கடந்து முதலிடத்தைப் பிடிக்கும் என்று எதிர்பார்க்கப்படுகிறது.