'ஜனநாயகன்' வினியோகஸ்தர்களுக்கு 'டானிக்' தரும் 'டாக்சிக்'

தமிழக முதல்வர் விஜய்யின் கடைசி படமாக வெளிவந்த 'ஜனநாயகன்' படம் எதிர்பார்த்த அளவு வசூலைப் பெறவில்லை. படத்தை வாங்கிய வினியோகஸ்தர்களுக்கு 10 முதல் 20 சதவீதம் வரையில் நஷ்டம் ஏற்பட வாய்ப்புள்ளது என கோலிவுட்டில் தெரிவிக்கிறார்கள்.

இது குறித்து அவர்கள் படத்தின் தயாரிப்பாளரையும் தொடர்பு கொண்டு சொன்னார்களாம். அவரும் இது குறித்து ஆலோசித்து அவரது தயாரிப்பில் அடுத்து வெளியாக உள்ள 'டாக்சிக்' படத்தின் உரிமையையும் அவர்களுக்கே கொடுத்துள்ளாராம்.

தற்போது இந்த முடிவு 'ஜனநாயகன்' படத்தை வெளியிட்ட வினியோகர்களுக்கு 'டானிக்' போல இருந்தாலும், 'டாக்சிக்' படம் வெளிவந்த பின்புதான் அது டானிக்கா அல்லது பேனிக்கா (panic) என்பது தெரிய வரும்.

'கேஜிஎப் 2' படம் போல 'டாக்சிக்' படம் ஓடிவிட்டால் எந்தப் பிரச்சனையும் எழ வாய்ப்பில்லை. ஆனால், டிரைலருக்கு அது போல வரவேற்பு இல்லாததுதான் தற்போது சந்தேகத்தை எழுப்பியுள்ளது. இருந்தாலும் படத்தை வாங்கியவர்களுக்கு நல்லதே நடக்கட்டும் என வாழ்த்துவோம்.