ஐதராபாத்தில் நண்பர்களுடன் சைக்கிளிங் செய்த அஜீத்
ADDED : 1699 days ago
எச்.வினோத் இயக்கத்தில் அஜீத் நடித்த வரும் வலிமை படத்தின் படப்பிடிப்புகள் முடிந்து விட்டது. ஒரு சண்டை காட்சி மட்டும் வெளிநாட்டில் நடைபெற உள்ளது. அத்தோடு பூசணிக்காய் உடைக்கப்பட்டு விடும். அதையடுத்து வலிமை படத்தின் அப்டேட்களை வெளியிட திட்டமிட்டிருக்கிறார் தயாரிப்பாளர் போனி கபூர்.
மேலும், கடந்த சில தினங்களுக்கு முன்பு சென்னை எழும்பூர் கமிஷனர் அலுவலகத்தில் உள்ள ரைபிள் கிளப்பில் துப்பாக்கி சுடும் பயிற்சியில் கலந்து கொண்டார் அஜீத். இந்நிலையில் தற்போது வலிமை படப்பிடிப்பு ஐதராபாத் ராமோஜிராவ் பிலிம் சிட்டியில் நடைபெற்றபோது அங்குள்ள சாலைகளில் தனது நண்பர்களுடன் மாஸ்க் அணிந்த நிலையில், அஜீத் சைக்கிளிங் செய்த போட்டோக்கள் சோசியல் மீடியாவில் வைரலாகி வருகிறது. அதோடு சாலையோரத்தில் சைக்கிளுடன் நின்றபடி அவர்கள் டீ குடிக்கும் புகைப் படங்களும் வெளியாகியுள்ளன.