நடிகர் ஆன இசை அமைப்பாளர்

இசை அமைப்பாளர்கள் நடிகர்கள் ஆவது தொடர்ந்து நடந்து கொண்டிருக்கிறது. ஜீ.வி.பிரகாஷ், விஜய் ஆண்டனி சமீபத்திய வரவுகள். விரைவில் யுவன் சங்கர் ராஜா, அனிருத் நடிக்க வாய்ப்புள்ளது. இந்த நிலையில் வந்தா மலை, ஏமாலி, நுங்கம்பாக்கம் போன்ற பல படங்களுக்கு இசையமைத்த ஷாம் டி ராஜ் நடிகர் ஆகிறார்.

கால் டாக்ஸி படத்தை இயக்கிய பா.பாண்டியனின் அடுத்த திரைப்படத்தில் இசையமைத்து கதாநாயகனாக நடிக்கிறார். கிரைம், சஸ்பென்ஸ் நிறைந்த பொழுதுபோக்கு திரைப்படமாக உருவாகும் இத்திரைப்படத்தில் பல முன்னணி நடிகர்கள், நடிகைகள் நடிக்கிறார்கள். அதற்கான அறிவிப்பு விரைவில் வெளியாகும். ஜிப்ஸி படத்தில் இரண்டாவது யூனிட் ஒளிப்பதிவாளராக பணியாற்றிய பாலா ரோசய்யா ஒளிப்பதிவு செய்கிறார். படப்பிடிப்பு மார்ச் மாதம் சென்னையில் துவங்குகிறது .