தரவரிசை பட்டியலில் த்ரிஷ்யம்-2வின் சாதனை

மலையாளத்தில் கடந்த எட்டு வருடங்களுக்கு முன் வெளியாகி வெற்றிபெற்ற படம் த்ரிஷ்யம். மோகன்லால் மீனா உள்ளிட்ட அதே கூட்டணியுடன் சமீபத்தில் இதன் இரண்டாம் பாகத்தை 'த்ரிஷ்யம்-2'வாக இயக்கி வெளியிட்டார் இயக்குனர் ஜீத்து ஜோசப். முதல் பாகத்திற்கு இணையான த்ரில் மற்றும் திருப்பங்களுக்கு சற்றும் குறைவில்லாமல் உருவாகியுள்ள இந்தப்படம் ரசிகர்களின் பாராட்டு மழையில் நனைந்து வருகிறது..

இந்தநிலையில் ஐஎம்டிபி எனப்படும் இணையதள தரவரிசை பட்டியலில் த்ரிஷயம்-2 இடம் பிடித்துள்ளது. முதல் பத்து படங்களுக்கான பட்டியலில் பத்தாவது இடத்தை பிடித்திருந்தாலும் கூட, அதிக பாயிண்ட்டுகள் என்கிற கணக்கில் த்ரிஷ்யம்-2 தான் முன்னிலை வகிக்கிறது. இந்தப்படம் தியேட்டரில் வெளியாகாமல் ஓடிடியில் வெளியானதால், பாலிவுட்டை சேர்ந்த பிரபலங்களும் படம் பார்த்துவிட்டு பாராட்டியது இந்தப்படத்திற்கு இலவச புரமோஷனாக மாறி, .இதோ தற்போது இந்த புதிய சாதனையையும் நிகழ்த்தியுள்ளது.