சின்னத்திரை நடிகர் ஆனார் திண்டுக்கல் லியோனி

பிரபல பட்டிமன்ற பேச்சாளர் திண்டுக்கல் ஐ.லியோனி. திமுகவில் சேர்ந்த இவர் அந்த கட்சியின் கொள்கை பரப்பு துணை செயலாளராக இருக்கிறார். பல ஆண்டுகளுக்கு முன்பு கங்கா கவுரி என்ற படத்தில் நடித்தார். அந்த படம் போதிய வரவேற்பை பெறாததால் சினிமாவில் நடிப்பதை நிறுத்திக் கொண்டார். இந்த நிலையில் நீண்ட இடைவெளிக்கு பிறகு தற்போது ஒரு படத்தில் நடித்து வருகிறார்.

அடுத்தக்கட்டமாக சின்னத்திரை நடிகராகி விட்டார். இன்று (பிப் 22) முதல் ஜீ தமிழ் தொலைக்காட்சியில் ஒளிபரப்பாகும் புதுப்புது அர்த்தங்கள் என்ற தொடரில் ஆசிரியர் கேரக்டரில் நடிக்கிறார். இந்த தொடரின் நாயகி தேவயானி. ஒரு பிரபல சமையற்கலை நிபுணருக்கும், வீட்டு சமையலில் கைதேர்ந்த தேவயானிக்கும் இடையிலான காதல் தான் கதை களம். திங்கள் முதல் சனி வரை இரவு 8.30 மணிக்கு ஒளிபரப்பாகிறது.