மாஸ்டர் ரீமேக்கில் நடிக்க மறுத்த சல்மான்கான்
லோகேஷ் கனகராஜ் இயக்கத்தில் விஜய், விஜய சேதுபதி, மாளவிகா மோகனன் நடிப்பில் வெளியான படம் மாஸ்டர். தமிழில் வெற்றி பெற்ற இப்படத்தின் ஹிந்தி ரீமேக்கில் சல்மான்கான் நடிக்கயிருப்பதாக செய்திகள் வெளியாகி வந்தன. ஆனால் இப்போது அந்த படத்தில் நடிக்க மறுத்து விட்டதாக பாலிவுட்டில் செய்திகள் வெளியாகியுள்ளன.
காரணம் சமீபகாலமாக ஹிந்தியில் சல்மான்கான் நடிப்பில் வெளியான படங்கள் தொடர்ச்சியாக தோல்வியடைந்து வருகின்றன. கடைசியாக பிரபு தேவா இயக்கத்தில் அவர் நடித்த ராதே படமும் ஓட வில்லை. அதனால் அடுத்தபடியாக வித்தியாசமான கதைகளில் மட்டுமே நடிப்பது என்று முடிவு வெடுத்துள்ள சல்மான்கானுக்கு, மாஸ்டர் படத்தின் கதையில் சில மாற்றங்களை பண்ண சொன்னார். ஆனால் அப்படி மாற்றியும் அவருக்கு திருப்தி ஏற்படவில்லை. இதனால் மாஸ்டர் ஹிந்தி ரீமேக்கில் நடிக்க அவர் மறுத்திருப்பதாக கூறப்படுகிறது.