ஆறே நாட்களில் முழு படத்திலும் நடித்து முடித்த ஹன்சிகா

மஹா படத்தில் கதையின் நாயகியாக நடித்துள்ள ஹன்சிகா, அதையடுத்து விஜய் ஆண்டனி இயக்கி நடிக்கும் பிச்சைக்காரன் 2 படத்தில் நடிக்கப்போவதாக செய்திகள் வெளியாகியுள்ளன.

இந்த நிலையில் தற்போது அவர் தெலுங்கில் 105 நிமிடங்கள், மை நேம் இஸ் ஸ்ருதி போன்ற படங்களில் நடித்து வருகிறார். இதில் 105 நிமிடங்கள் படத்தில் ஹன்சிகா ஒருவர் மட்டுமே படம் முழுக்க நடித்துள்ளார். சமீபத்தில் படமாக்கப்பட்ட அப்படத்தில் ஆறே நாட்களில் முழு படத்திலும் நடித்து முடித்துள்ளார் ஹன்சிகா.

மேலும், சஸ்பென்ஸ் திரில்லர் கதையில் உருவாகியுள்ள இந்த படத்தை தென்னிந்திய மொழிகள் மட்டுமின்றி ஹிந்தியிலும் வெளியிடுவதோடு, கொரியா, சீனா போன்ற மொழிகளிலும் வெளியிட திட்டமிட்டிருப்பதாக படக்குழு அறிவித்துள்ளது.