நாகசதுர்த்தி சிறப்பு பூஜை

பெருநாழி: பெருநாழி அருகே திம்மநாதபுரத்திலுள்ள அஷ்ட நாக கருட தொட்டிச்சி அம்மன் கோயிலில் நாக சதுர்த்தியை முன்னிட்டு சிறப்பு மகா யாக வேள்வி நடந்தது. விக்னேஷ்வர பூஜை, புண்யாகவாசனம், சங்கல்பம், கும்ப பூஜை உள்ளிட்ட பூஜைகளும் மூலவர் மற்றும் பரிவார தெய்வங்களுக்கு சிறப்பு அபிஷேக ஆராதனையும் நடந்தது. கோயில் அமைந்துள்ள இடத்தில் இறந்து கிடந்த நாகத்திற்கு சிறப்பு பூஜைகள் செய்து வழிபாடு செய்யப்பட்டது. பூஜைகளை கோயில் நிர்வாகி சின்னாண்டி செய்திருந்தார். அன்னதானம் நடந்தது.