பு. கொணலவாடி கருமியம்மன் கோவில் 61 அடி மகமேர் வீதி உலா

உளுந்தூர்பேட்டை: பு. கொணலவாடி கிராமத்தில் கருமியம்மன் கோவில் 61 அடி மகமேர் வீதி உலா நடந்தது. உளுந்தூர்பேட்டை தாலுகா பு. கொணலவாடி கிராமத்தில் ஸ்ரீ கருமியம்மன் கோவில் மகமேர் மற்றும் தேர் திருவிழா நடக்கிறது. அதனையொட்டி கடந்த 2ம் தேதி காப்பு கட்டுதலுடன் விழா துவங்கியது. அதனைத் தொடர்ந்து தினசரி சுவாமி வீதி உலா நடந்து வந்தது. 61 அடி உயரத்தில் மகமேர் செய்யப்பட்டு நேற்று முன்தினம் இரவு 11 மணியளவில் வீதி உலா நடந்தது. இதில் ஆயிரக்கணக்கானோர் கலந்து கொண்டு சுவாமியை வழிபட்டனர். இன்று மதியம் 2.30 மணியளவில் சுவாமி சிறப்பு அலங்காரம் செய்யப்பட்டு தேரில் வைக்கப்பட்டு தேர் வீதி உலா நடக்கிறது.