சிம்ம வாகனத்தில் நத்தம் மாரியம்மன் வீதி உலா

நத்தம், நத்தம் மாரியம்மன் கோயில் மாசித் திருவிழாவை முன்னிட்டு அம்மன் சிம்மன் வாகனத்தில் நகர்வலம் நடந்தது.கடந்த பிப். 12 அன்று கொடியேற்றத்துடன் விழா துவங்கியது. மறுநாள் சுற்றுப்பகுதியை சேர்ந்த 30 ஆயிரத்துக்கும் மேற்பட்ட பக்தர்கள் கரந்தமலை கன்னிமார் தீர்த்தம் எடுத்து வந்து காப்புக்கட்டி 15 நாள் விரதம் துவங்கினர். பிப். 16 ல் அம்மன் மயில் வாகனத்தில் நகர்வலம் சென்றார். விழாவின் ஒன்பதாவது நாளான நேற்று இரவு அம்மன் சிம்ம வாகனத்தில் எழுந்தருளி நகர்வலம் சென்றார். வரும் பிப்.23 அம்மன் அன்ன வாகனத்தில் நகர்வலம்.பிப் 26ல் அரண்மனை பொங்கல், மாவிளக்கு‌ நடக்கும். விழாவின் முக்கிய நிகழ்ச்சியாக 27 ம் தேதி அக்னிச்சட்டி எடுத்தல் மற்றும் கழுமரம் ஏறுதல் நடைபெறும். தொடர்ந்து காப்பு கட்டிய பக்தர்கள் பூக்ககுழி இறங்கும் நிழ்ச்சி நடைபெறும். மறுநாள் மஞ்சள் நீராட்டு மற்றும் பூப்பல்லக்கில் அம்மன் நகர்வலத்துடன் விழா நிறைவடையும்.