ஆன்மிகம் என்பது வெறும் வழிபாட்டு முறை மட்டுமல்ல வாழ்வியலோடு இணைந்த ஒரு பொக்கிஷம்!

மதுரை; தமிழகத்தில் ஆன்மிகம் என்பது வெறும் வழிபாட்டு முறை மட்டுமல்ல, அது கலை, கலாச்சாரம் மற்றும் வாழ்வியலோடு பின்னிப்பிணைந்த ஒரு பொக்கிஷம். தமிழகத்தில் ஒவ்வொரு ஊருக்கும் ஒரு தல வரலாறு உண்டு. குறிப்பாக கும்பகோணம், தஞ்சாவூர் மற்றும் மதுரை, காஞ்சிபுரம் போன்ற இடங்கள் "கோயில் நகரங்கள்" என்று அழைக்கப்படுகின்றன. இங்குள்ள கட்டிடக்கலை, இறைவனின் திருவிளையாடல்களை நமது உணர்த்துகிறது. அமைதி தேடி வரும் பக்தர்களுக்கு இவை சிறந்த புகலிடமாகும்.

பஞ்சாங்கம்: நமது வாழ்வியலில் கோள்களின் இயக்கம் (கிரகப் பெயர்ச்சி) முக்கிய பங்கு வகிக்கிறது. பஞ்சாங்கம் மற்றும் ராசி பலன்கள் மூலம் காலத்தின் மாற்றங்களை அறிந்து, அதற்கேற்ப நமது செயல்களைத் திட்டமிடுவது ஒரு வகை ஆன்மிக ஒழுக்கம். குறிப்பாக பங்குனி, சித்திரை போன்ற தமிழ் மாதங்களின் முக்கியத்துவத்தை நாம் உணர்ந்து செயல்படுவது மரபு. தற்போதய அரசியல் முதல் அயல்நாட்டு போர்கள் வரை முன்னரே பஞ்சாங்கத்தில் இருப்பது வியப்பிற்குரிய சிறப்பு.

ஆன்மிகப் பயணம் என்பது மனதை ஒருநிலைப்படுத்த உதவும் ஒரு வழி. அறுபடை வீடுகள் அல்லது நவகிரகத் தலங்களுக்குச் செல்வது பக்தியைத் தாண்டி, ஒருவிதமான மன அமைதியையும், புத்துணர்ச்சியும் கிடைக்கிறது. இதுவே பல வெற்றிக்கு ஆதாரமாக உள்ளது. 

சுயநலமில்லாத உதவி மற்றும் பிற உயிர்களிடத்தில் காட்டும் அன்பு ஆன்மிக உயர்வுக்கு வழிவகுக்கும். "ஈசன் எங்கும் நிறைந்திருப்பவன்" என்ற தத்துவத்தின் அடிப்படையில், சக மனிதர்களுக்குச் செய்யும் சேவை இறைவனுக்குச் செய்யும் சேவையாகக் கருதப்படுகிறது.

நவீன காலத்தில் ஆன்மிகம்: இன்றைய டிஜிட்டல் உலகில், ஆன்மிகத் தகவல்களைத் தேடுவதும், ஸ்லோகங்களைக் கேட்பதும் எளிதாகிவிட்டது. எனினும், ஒரு கோயிலின் கருவறைக்குச் சென்று அந்த அதிர்வலைகளை உணர்வதற்கு ஈடு இணை ஏதுமில்லை. ஆன்மிகம் என்பது தனிமனித தேடல் மட்டுமல்ல அது அமைதி, அன்பு மற்றும் பிறருக்கு உதவும் குணம் ஆகியவற்றை வளர்ப்பதாகும்.