புரட்டாசி பவுர்ணமி : ராமேஸ்வரம் அக்னி தீர்த்த கடற்கரையில் சமுத்திர ஆரத்தி

ராமேஸ்வரம்: புரட்டாசி பவுர்ணமி யொட்டி ராமேஸ்வரம் ராமநாதசுவாமி கோயில் அக்னி தீர்த்த கடற்கரையில் சமுத்திர ஆரத்தி பூஜை நடந்தது.

சமுத்திர ஆரத்தி பூஜை அமைப்பு சார்பில் மாதந்தோறும் பவுர்ணமி நாளில் ராமேஸ்வரம் கோயில் அக்னி தீர்த்த கடற்கரையில் மகா ஆரத்தி பூஜை நடத்துவது வழக்கம். அதன்படி நேற்று புரட்டாசி பவுர்ணமி யொட்டி நேற்று இரவு அக்னி தீர்த்த கடற்கரையில் புரோகிதர்கள் மகா சமுத்திர ஆரத்தி பூஜை செய்தனர். இதில் ஏராளமான பக்தர்கள் பங்கேற்று சுவாமி தரிசனம் செய்தனர். இதனைதொடர்ந்து ராமேஸ்வரம் விவேகானந்தா கேந்திரம் மற்றும் சமுத்திர ஆரத்தி பூஜை அமைப்பு சார்பில் பக்தர்களுக்கு பிரசாதம் வழங்கப்பட்டது.