அன்னூர் மன்னீஸ்வரர் கோவிலில் தங்க தேரோட்டம்; திரளான பக்தர்கள் தரிசனம்
ADDED :21 minutes ago
அன்னூர்: அன்னூர் மன்னீஸ்வரர் கோவிலில் நேற்று இரவு தங்க தேரோட்டம் நடந்தது.
அன்னூர் மன்னீஸ்வரர் கோவிலில், ஒவ்வொரு மாதமும் கிருத்திகையன்று தங்க தேரோட்டம் நடைபெறுகிறது. இந்த மாத தேரோட்டம் நேற்று நடந்தது. இரவு 7:00 மணிக்கு தேரோட்டம் துவங்கியது. முருகப்பெருமான் வள்ளி தெய்வானை சமேதரராக சிறப்பு அலங்காரத்தில் மின்னொளியில் ஜொலித்தார். தங்கத்தேர் உட்பிரகாரத்தில் உலா வந்தது. முருகப்பெருமானுக்கு அபிஷேக பூஜை, அலங்கார பூஜை நடந்தது. முருகனுக்கு அரோகரா என பக்தர்கள் கோஷம் எழுப்பினர். அன்னதானம் வழங்கப்பட்டது. அறங்காவலர் குழு தலைவர் நடராஜன், அறங்காவலர்கள், கட்டளைதாரர்கள் உள்பட திரளான பக்தர்கள் பங்கேற்றனர்