கூடலுார் முத்தாலம்மன் கோயில் விழா; பெண்கள் முளைப்பாரி எடுத்து நேர்த்திக்கடன்

கூடலுார்: கூடலுாரில் கிழக்கு முத்தாலம்மன் கோயில் திருவிழாவில் நூற்றுக்கணக்கான பெண்கள் முளைப்பாரி எடுத்து நேர்த்திக்கடன் செலுத்தினர்.

கூடலுாரில் ஒக்கலிகர் காப்பு மகாஜன சங்கம் சார்பில் கிழக்கு முத்தாலம்மன் கோயில் திருவிழா கொண்டாடப்பட்டது. அம்மன் சிறப்பு அலங்காரத்தில் பக்தர்களுக்கு அருள் பாலித்தார். அதிகாலையில் பெண்கள் மாவிளக்கு எடுத்து ஊர்வலமாக கோயில் வரை சென்று வழிபட்டனர். மழை பெய்ய வேண்டி நூற்றுக்கணக்கான பெண்கள் முளைப்பாரி எடுத்து பெட்ரோல் பங்க் ரோடு, எல்.எப்.ரோடு, மெயின் பஜார், நடுத்தெரு வழியாக சென்று கோயிலை அடைந்து நேர்த்திக்கடன் செலுத்தினர். மாவிளக்கு, முளைப்பாரி எடுத்த அனைவருக்கும் நினைவு பரிசு வழங்கப்பட்டது. இதற்கான ஏற்பாடுகளை ஒக்கலிகர் மகாஜன சங்கத் தலைவர் ராம்பா, செயலாளர் அருண்குமார், பொருளாளர் சரவணன், மற்றும் ஒக்கலிகர் சங்க இளைஞர் அணியினர், நிர்வாகிகள் செய்திருந்தனர்.