புரட்டாசி சனி; கதிர் நரசிங்க பெருமாள் கோயிலில் சிறப்பு திருமஞ்சனம், விஸ்வரூப பூஜை

கோபால்பட்டி; சாணார்பட்டி அருகே வி.மேட்டுப்பட்டி கதிர் நரசிங்க பெருமாள் கோயிலில் புரட்டாசி மாத சனிக்கிழமை பூஜையில் ஏராளமானோர் கலந்து கொண்டு சாமி தரிசனம் செய்தனர்.

இதையொட்டி கதிர் நரசிங்க பெருமாள் சமேத ஸ்ரீதேவி, பூதேவி அம்மனுக்கும், மூலவர் ராமானுஜர் சுவாமிக்கு திருமஞ்சனம், விஸ்வரூப பூஜைகள் மற்றும் பால்,பழம்,பன்னீர், சந்தனம் உள்ளிட்ட 21 வகையான அபிஷேக பொருட்களைக் கொண்டு திரவிய அபிஷேகம் மற்றும் அலங்கார பூஜைகள், தீபாராதனைகள் நடந்தது. தொடர்ந்து பல வண்ண பூக்களால் அலங்கரிக்கப்பட்டு கதிர் நரசிங்க பெருமாள் பக்தர்களுக்கு அருள் பாலித்தார். அருகிலுள்ள ஆஞ்சநேயர் சன்னிதியிலும் பூஜைகள் நடந்தது.ஒயிலாட்டம் உள்ளிட்ட கிராமிய கலை நிகழ்ச்சிகள் நடந்தது. இதில் திண்டுக்கல்,கோபால்பட்டி, சாணார்பட்டி, நத்தம் உள்ளிட்ட பகுதியிலிருந்து ஏராளமான பக்தர்கள் கலந்து கொண்டு கதிர் நரசிங்க பெருமாளை தரிசனம் செய்தனர்.கோவில் நிர்வாகம் சார்பாக காலை முதல் மாலை வரை அன்னதானம் வழங்கப்பட்டது.