/
கோயில்கள் செய்திகள் / சபரிமலை பக்தர்களுக்காக கொச்சி விமான நிலையத்தில் சிறப்பு வசதி மையம்! முதல்வர் தொடங்கி வைத்தார்!
சபரிமலை பக்தர்களுக்காக கொச்சி விமான நிலையத்தில் சிறப்பு வசதி மையம்! முதல்வர் தொடங்கி வைத்தார்!
ADDED :9 hours ago
கொச்சி: சபரிமலை ஐயப்பன் கோயிலுக்கு வரும் பக்தர்களின் வசதிக்காக, கொச்சி சர்வதேச விமான நிலையத்தில் பிரத்யேக பக்தர்கள் சேவை மையத்தை கேரள முதல்வர் வி.டி. சதீசன் இன்று செவ்வாய்க்கிழமை திறந்து வைத்தார். சபரிமலையில் இரண்டு மாத கால மண்டல–மகரவிளக்கு யாத்திரை தொடங்கியுள்ள நிலையில், வெளிமாநிலங்கள் மற்றும் வெளிநாடுகளில் இருந்து வரும் பக்தர்களுக்காக இந்த மையம் அமைக்கப்பட்டுள்ளது. இங்கு தேவஸ்வம் உதவி மையம், பிரசாத கூப்பன் வழங்கும் இடம், முன்பதிவு டாக்ஸி வசதி, சைவ உணவகம், ஓய்வறை மற்றும் விமானங்களின் வருகை, புறப்பாடு குறித்த உடனடி தகவல்களை அறியும் வசதி ஆகியவை ஏற்படுத்தப்பட்டுள்ளன. மேலும், பக்தர்களின் தேவைக்கேற்ப கூடுதல் வசதிகளை ஏற்படுத்தவும் விமான நிலைய நிர்வாகம் பரிசீலிக்கும் என்று முதல்வர் தெரிவித்தார்.