கள்ளக்குறிச்சி சிவன் கோவில்களில் பிரதோஷ வழிபாடு
ADDED :4490 days ago
கள்ளக்குறிச்சி:கள்ளக்குறிச்சி பகுதி சிவன் கோவில்களில் பிரதோஷ வழிபாடு ஜூன், 21 நடந்தது.கள்ளக்குறிச்சி சிவகாமசுந்தரி சமேத சிதம்பரேஸ்வரர், ஏமப்பேர் காசி விசாலாட்சி சமேத விஸ்வநாதேஸ்வரர், தென்கீரனூர் மற்றும் முடியனூர் அபிதகுஜாம்பாள் சமேத அருணாசலேஸ்வரர், நீலமங்கலம் காமாட்சி அம்பிகா சமேத ஏகாம்பரேஸ்வரர், வரஞ்சரம் பாலகுஜாம்பிகா சமேத பசுபதீஸ்வரர் கோவில்களில் பிரதோஷ வழிபாட்டையொட்டி ஜூன், 21 நந்திபெருமானுக்கு சிறப்பு அபிஷேகம், அலங்காரம் செய்து, சிறப்பு பூஜைகளும் நடத்தப்பட்டது. உற்சவர் சிலைகள் அலங்கரிக்கப்பட்டு தேவாரம், திருவாசகம் பாடி, கோவில் பிரகாரத்தை வலம் வந்து பக்தர்களுக்கு பிரசாதம் வழங்கினர்.சின்னசேலம் : தென்பொன்பரப்பி சொர்ணாம்பிகை சமேத சொர்ணபுரீஸ்வர் கோவிலில் மூலவருக்கு அண்ணாமலையார் அலங்காரமும், நந்தீஸ்வரருக்கு அபிஷேகம் செய்து அருகம்புல், பூக்களால் அலங்காரம் செய்யப்பட்டு பூஜைகளும், மகா தீபாராதனை நடந்தது. சின்னசேலம் கங்காதீஸ்வரர் கோவில், கூகையூர் பெரியநாயகி உடனுறை சொர்ணபுரீஸ்வரர் கோவில், அசலகுசலாம்பிகை சமேத பஞ்சாட்சரநாதர் கோவில்களில் பிரதோஷ வழிபாடு நடந்தது.