முத்தாளம்மன் கோவில் ஆடி திருவிழா
ADDED :3767 days ago
பொன்னேரி: அனுப்பம்பட்டு முத்தாளம்மன் கோவில் ஆடி திருவிழா, வெகு விமரிசையாக நடைபெற்றது.பொன்னேரி அடுத்த, அனுப்பம்பட்டு கிராமத்தில் உள்ள, முத்தாளம்மன் கோவில் ஆடித் திருவிழா, கடந்த 22ம் தேதி, செல்லியம்மனுக்கு பொங்கல் வைக்கும் நிகழ்ச்சியுடன் துவங்கியது.தொடர்ந்து, பந்தக்கால் நடுதல், காப்புக் கட்டுதல் உள்ளிட்டவைகள் நடந்தன. நேற்று முன்தினம் கூழ்வார்த்தல், பொங்கல் வைத்தல், தாய்வீடு சென்று வருதல், தீபாராதனை ஆகியவை வெகு விமரிசையாக நடந்தன. நேற்று முன்தினம் இரவு, அலங்கரிக்கப்பட்ட வாகனத்தில், முத்தாளம்மன், சின்ன அனுப்பம்பட்டு, உத்தண்டி கண்டிகை உள்ளிட்ட பகுதிகள் வழியாக வீதிஉலா வந்து, பக்தர்களுக்கு அருள்பாலித்தார்.