சாயல்குடியில் ஆடி வெள்ளி சிறப்பு பூஜை

சாயல்குடி: சாயல்குடி அருகே எஸ்.காணிக்கூரில் பாதாள காளியம்மன் கோயிலில் ஆடி வெள்ளியை முன்னிட்டு சிறப்பு அபிஷேக, ஆராதனைகள் நடந்தது.

பெண்கள் நெய்விளக்கேற்றி, பொங்கலிட்டு அம்மனை வழிபட்டனர். ஏற்பாடுகளை வழிபாட்டுக்குழுவினர் செய்திருந்தனர். கீழக்கரை தட்டார் தெரு உக்கிர வீரமாகாளியம்மன் கோயிலில் ஆடி வெள்ளியை முன்னிட்டு அம்மனுக்கு மஞ்சள் அபிஷேகம் நடந்தது. சர்வ அலங்காரத்தில் அம்மன் பக்தர்களுக்கு அருள்பாலித்தார். பெண்கள் பொங்கலிட்டனர். அன்னதானம் நடந்தது. ஏற்பாடுகளை விஸ்வக்கிய தங்கம், வெள்ளி தொழிலாளர் சங்கத்தினர் செய்திருந்தனர்.