சிதம்பரம் நடராஜர் கோவில் கோபுரத்தில் தேசிய கொடி

சிதம்பரம்: குடியரசு தினத்தை முன்னிட்டு, சிதம்பரம் நடராஜர் கோவில் கோபுரத்தில், தேசியக் கொடி ஏற்றப்பட்டது. சிதம்பரத்தில் உள்ள, பிரசித்திப் பெற்ற, நடராஜர் கோவிலில், 68வது குடியரசு தினத்தை முன்னிட்டு, கோவில் பொது தீட்சிதர்கள் சார்பில், சிவகாமசுந்தரி சமேத நடராஜருக்கு சிறப்பு அபிஷேகம், அலங்காரம் மற்றும் தீபாராதனை நடந்தது. இதை தொடர்ந்து, நடராஜர் சன்னிதி சித்சபையில், வெள்ளித் தட்டில், தேசியக் கொடியை வைத்து, சிறப்பு பூஜை செய்யப்பட்டது. பின், பொது தீட்சிதர்கள், வெள்ளித் தட்டில் தேசியக் கொடியை வைத்து, மேளதாளங்கள் முழங்க, கிழக்கு கோபுரத்திற்கு எடுத்து சென்று, கோபுர உச்சியில் தேசியக் கொடியை ஏற்றினர்.