கண்டாச்சிபுரம் ராமநாதீஸ்வரர் கோவில் தேர்த்திருவிழா

கண்டாச்சிபுரம் : கண்டாச்சிபுரம் ராமநாதீஸ்வரர் கோவிலில் தேர்த்திருவிழா நடைபெற்றது. கண்டாச்சிபுரம் ராமநாதீஸ்வரர் கோவிலில் நடைபெற்றுவரும் 80 ஆண்டு பிரம்மோற்சவ விழாவையொட்டி,தேர்த்திருவிழா நடைபெற்றது. இதனையொட்டி காலை 9மணி முதல் மூலவர் மற்றும் ஊற்சவ மூர்த்தி பரிவார சுவாமிகளுக்கு சிறப்பு அபிஷேக ஆராதனைகள் நடந்தது. பின்னர் 10:30 மணியளவில் ஞானாம்பிகை அம்மன்,ராமாநாதீஸ்வரர் மற்றும் பஞ்ச மூர்த்தி சுவாமிகளுமாக இரண்டு தேர்களை பக்தர்கள் வடம்பிடித்தனர்.இதில் கண்டாச்சிபுரம் மற்றும் அதனைச்சுற்றியுள்ள ஊர்களில் இருந்து ஏராளமான பொதுமக்கள் கலந்துகொண்டு வழிபட்டனர். ஏற்பாடுகளை தர்மகர்த்தா ரவிச்சந்திரன்,பாலகிருஷ்ண சிவாச்சாரியார் மற்றும் ஊர்பொதுமக்கள் ஏற்பாடு செய்தனர்.